ನನ್ನ ಜೀವನ ರೂಪ

 

ನನ್ನೊಳಗೆ ಅಡಗಿದ  ಪ್ರೀತಿಯ ರೂಪ,
ಜೀವ ಪಡೆಯಿತು  ಮುದ್ದು ಕಂದನ ರೂಪ..
ನಾ ನಿನ್ನೊಳಗೆ ಇರುವೆನೆಂದು ನೀ ನನಗೆ ತೋರಿದ ಆ ಪರಿ,
ನೋವೆಲ್ಲ ಮರೆಸಿ ನೀಡಿತು ಹಿತವಾದ ಕಚಗುಳಿ...
ಹೇಗಿರುವೆ? ಎಂಥಿರುವೆ? ಎಂದು ಕಾತರಿಸಿತು ಅಂದು ಮನ,
ನನ್ನ ಕಲ್ಪನೆಯು ಚಿತ್ರಿಸಿತು ನಿನ್ನ ಪ್ರತಿರೂಪವನ್ನ...!
ಇರುವೆ ನೀನು ನನ್ನಂತೆ..,
ನೀನಿರಲು ನನಗೇನು ಚಿಂತೆ?..
ನಾ ಮರೆತೆ ನವ ಮಾಸಗಳ ಬಿರು  ಬೇಗುದಿ,
ನೀ ನನ್ನ ಮಡಿಲಲ್ಲಿ ಹುಟ್ಟಿ ಬಂದು ನಕ್ಕ ಕ್ಷಣದಿ..
ದೇವರ  ದೀಪದ ಬೆಳಕಂತೆ ನಿನ್ನ ನಗು,
ಕೊನೆವರೆಗಿನ ಬಂದನವಿದು ನನಗು,ನಿನಗೂ..!!
 ನಿನ್ನ ನಗು ಕಂಡು ನಾ ಮರೆತೆ ನನ್ನೇ,
ನಿನ್ನ ಸ್ಪರ್ಶಕೆ ನಾ ಕರಗಿ ಹೋದೆ ಹೆಣ್ಣೇ ..
ಅಮ್ಮ ಅನ್ನೋ ಆ  ದಿನ ಮರೆವೆ ಜಗವನ್ನೇ,
ನಿನಗಿ ಕಂದ ಮೀಸಲಿಡುವೆ ನನ್ನ ಈ ಬದುಕನ್ನೇ...!!!